ஆசிட் வீச்சில் பாதிக்கப்பட்ட பெண் ஒருவரின் உண்மை கதையை மையமாக்கி ’சபாக்’ என்னும் திரைப்படம் உருவாகி வருகிறது.
ஆசிட் வீச்சால் பாதிக்கப்பட்ட லட்சுமி அகர்வால் என்ற பெண்ணின் வாழ்க்கையை மையமாக வைத்து, சபாக் என்ற பெயரில், ஹிந்தியில் படம் தயாராகி வருகிறது. இந்த படத்தில் லட்சுமி கதாபாத்திரத்தில் நடிகை தீபிகா படுகோனே நடித்துள்ளார்.
இயக்குனர் மேக்னா குல்சர் இயக்கிவரும் இப்படம் அடுத்த வருடம் ஜனவரி 10 ஆம் தேதி திரைக்கு வரவிருக்கிறது. இப்படம் முழுக்க முழுக்க லட்சுமி அகர்வாலின் வாழக்கையில் நடந்த சம்பவங்களை மையப்படுத்தி உருவாகிவருகிறது.
இந்நிலையில் தற்போது சபாக் படத்தின் டிரெய்லர் வெளியாகியுள்ளது. இந்த டிரெய்லர் ரசிகர்கள் மத்தியில் நல்ல வரவேற்பை பெற்றுள்ளதோடு பாராட்டையும் பெற்றுள்ளது. அதோடு தீபிகாவின் நடிப்பையும் பலர் பாராட்டி வருகின்றனர். இது ஒரு சமூக விழிப்புணர்வு படமாக இருக்கும் என பலரும் தங்களது கருத்துகளை வெளிப்படுத்தி வருகின்றனர்.
