அதிமுக - தேமுதிக கூட்டணி நல்லபடியாக தொடர இரு கட்சிகளும் வழக்குகளை வாபஸ் வாங்கியுள்ளன.
மறைந்த முன்னாள் முதல்வர் ஜெயலலிதா முதல்வராக இருந்தபோது அவரையும் பற்றியும் அவரது அரசையும் கடுமையாக விமர்சனம் செய்து பேசியவர்களில் ஒருவர் தேமுதிக தலைவர் விஜயகாந்த்.
இதனால் அவர் மீது பல்வேறு அவதூறு வழக்குகள் தமிழக அரசின் சார்ப்பில் தொடரப்பட்டன. இந்த வழக்குகளின் விசாரணை கடந்த சில ஆண்டுகளாக நடைபெற்று வருகிறது. ஒருசில வழக்குகள் தள்ளுபடி செய்யப்பட்டு ஒருசில வழக்குகள் விசாரணையின் இறுதிக்கட்டத்தில் உள்ளன.
இந்நிலையில் தேமுதிக மீது தொடரப்பட்ட அவதூறு வழக்குகளை திரும்பப் பெறுவதாக தமிழக அரசு அறிவித்தது. இதற்கு முன்னர் தேமுதிக அரசு மீது தொடுத்திருந்து 24 வழக்குகளையும் வாபஸ் பெற்றது குறிப்பிடத்தக்கது.
தற்போது அதிமுகவுடன் தேமுதிக தோழமை கட்சியாக இருப்பதால் இந்த முடிவை தமிழக அரசு எடுத்திருக்கலாம் என கருதப்படுகிறது. அதே போல கூட்டணி ஆதாயத்திற்காக தேமுதிகவும் வழக்குகளை வாபஸ் வாங்கி இருக்கும் என கூறப்படுகிறது.
