பாஜக கூட்டணியிலிருந்து விலகுவதாக அதிமுக அறிவித்ததை தொண்டர்கள் பட்டாசு வெடித்து கொண்டாடியதை பாஜக பிரமுகர் எச்.ராஜா “நான்சென்ஸ்” என விமர்சித்துள்ளார்.
கடந்த 2019 முதலாக நாடாளுமன்ற தேர்தல், சட்டமன்ற தேர்தல் உள்ளிட்டவற்றில் பாஜக – அதிமுக கூட்டணி தொடர்ந்து வந்தது. ஆனால் சமீப காலமாக பாஜக மாநில தலைமைக்கும், அதிமுகவிற்கும் முரண்பாடுகள் ஏற்பட்டு வந்த நிலையில் நேற்று நடந்த அதிமுக மாவட்ட செயலாளர்கள் கூட்டத்தில் பாஜக கூட்டணியிலிருந்து விலகுவதாக ஏக மனதாக முடிவெடுக்கப்பட்டு அறிவிக்கப்பட்டது.
அதை கொண்டாடும் விதமாக பல இடங்களிலும் அதிமுகவினர் பட்டாசு வெடித்தும், இனிப்பு வழங்கியும் கொண்டாடினர். இதை பார்த்து கடுப்பான எச்.ராஜா “ஏதோ இவங்கள நாங்க கட்டிப்போட்டு வைத்திருந்த மாதிரியும் இப்போ என்னவோ இவங்க விடுதலை ஆகிட்ட மாதிரியும் பட்டாசு வெடிச்சு கொண்டாடிட்டு இருக்காங்க. வாட் அ நான்சென்ஸ்..? ஜெயலலிதா மறைவுக்கு பின் சிதறிக் கிடந்த அதிமுகவை ஒன்றாக சேர்த்ததே பாஜகதான். நாங்கள் இல்லை என்றால் அதிமுக என்ற கட்சியே இல்லை. அந்த நன்றியை அதிமுக தலைவர்கள் மறக்கக் கூடாது” என்று கூறியுள்ளார்.
