கடந்த ஆறு மாதங்களாக திமுக ஆட்சியில் பல்வேறு அதிரடி நடவடிக்கைகள் எடுக்கப்பட்டு வருகின்றன என்பதும் தலைமைச் செயலாளர் முதல் பல உயர் அதிகாரிகள் இடமாற்றம் செய்யப்பட்டு புதிய அதிகாரிகள் பணி நியமனம் செய்யப்பட்டு உள்ளனர் என்பதும் தெரிந்ததே
இந்த நிலையில் தற்போது அதிரடியாக கல்வித்துறையிலும் ஒரு சில மாற்றங்கள் செய்யப்பட்டுள்ளது. இதன்படி அரசு தேர்வுத்துறை இயக்குநராக எஸ்.சேதுராமவர்மா என்பவர் நியமனம் செய்யப்பட்டுள்ளார். மேலும் தொடக்கக் கல்வி இயக்குநராக அறிவொளி நியமனம் செய்யப்பட்டுள்ளார்.
மேலும் ஒருங்கிணைந்த பள்ளிக்கல்வியின் கூடுதல் திட்ட இயக்குநராக இராமேஸ்வர முருகன் அவர்கள் நியமனம் செய்யப்பட்டுள்ளார். அதேபோல் பாடநூல் மற்றும் கல்வியியல் பணிகள் கழக செயலாளராக கண்ணப்பன் நியமனம் செய்யப்பட்டுள்ளார். இதுகுறித்து உத்தரவு ஒன்றை தமிழ்நாடு அரசு சற்றுமுன் பிறப்பித்துள்ளது என்பது குறிப்பிடத்தக்கது,
