ரஜினி சொன்ன கருத்தைத்தான் நாங்களும் இவ்வளவு நாட்களாக சொல்லி வருகிறோம். ஆனால் ரஜினிக்கு கிடைக்கும் விளம்பரம் தங்களுக்கு கிடைக்கவில்லை பாஜக மாநில தலைவர் தமிழிசை செளந்திரராஜன் செய்தியாளர்களிடம் தெரிவித்தார்.
ரஜினிக்கு கிடைக்கும் விளம்பரம் எங்களுக்கு கிடைக்கவில்லை என்றாலும் அவர் சொல்லும் அரசியல் கட்சி தலைவர்கள் சரியாக செயல்படவில்லை என்ற கருத்தை நான் ஏற்றுக்கொள்ள மாட்டேன். ஏனென்றால் ஒவ்வொரு பிரச்சனையையும் வெவ்வேறு விதமாக அணுக வேண்டியுள்ளது.
புதிதாக கட்சி தொடங்குபவர்கள் முதலில் தெளிவாக நடை போடட்டும். அதன் பின்னர் மக்கள் அவர்களை எடை போடுவார்கள். மாற்று சக்தியாக வருவோம் என்று நாங்கள் சொல்கிறோம். அவரும் சொல்கிறார். யாரை ஆதரிப்பது என்பதை மக்கள்தான் முடிவு செய்ய வேண்டும் என்று தமிழிசை தெரிவித்தார்.
