ஒடிசாவில் உலகக்கோப்பை ஹாக்கி போட்டி கடந்த சில நாட்களாக நடைபெற்று வரும் நிலையில் இன்றைய போட்டியில் இந்தியா மற்றும் பெல்ஜியம் அணிகள் மோதின. ஆரம்பம் முதலே இரு அணிகளும் ஆக்ரோஷமாகவும் தடுப்பு ஆட்டமும் ஆடியதால் கோல்கள் போட இரு அணி வீரர்களும் கடுமையாக போராடினர்
முதலில் பெல்ஜியம் அணி தனக்கு கிடைத்த பெனால்டி கார்னரை சரியாக பயன்படுத்தி ஒரு கோல் போட்டது. இதனையடுத்து இந்தியாவின் ஹர்மன்ப்ரீத் ஒரு கோலை அபாரமாக போட்டு கோல் கணக்கை சமன்படுத்தினார்
ஆனால் இரண்டாம் பாதியில் பெல்ஜியம் மீண்டும் ஒரு கோல் போட்டு முன்னணியில் இருக்க, ஆட்டத்தின் கடைசி சில நிமிடங்களில் இந்தியா ஒரு கோல் போட்டு போட்டியை டிரா செய்தது. முதல் போட்டியில் வெற்றியும், இரண்டாம் போட்டியில் டிராவும் செய்துள்ளதால் இந்திய அணி 'சி' பிரிவு புள்ளிப்பட்டியலில் முதலிடத்தில் உள்ளது என்பது குறிப்பிடத்தக்கது.
