டிசம்பர் 24 ஆம் தேதி வெளியாகி நல்ல விமர்சனங்களைப் பெற்றுள்ள 83 படம் வசூலில் பெரிதாக ஜொலிக்கவில்லை என சொல்லப்படுகிறது.
இந்திய கிரிக்கெட் அணி முதன் முதலாக உலக கோப்பையை கடந்த 1983-ஆம் ஆண்டு வென்ற நிலையில் இந்த நிகழ்வை மையமாக வைத்து படம் ஒன்று உருவாகி உள்ளது. கடந்த 1983 ஆம் ஆண்டு உலக கோப்பையை கபில்தேவ் தலைமையிலான இந்திய அணி வென்றது என்பது குறிப்பிடத்தக்கது. இதுகுறித்த திரைப்படத்தில் கபில்தேவ் கேரக்டரில் ரன்வீர் சிங் நடித்துள்ளார். தமிழக வீரர் ஸ்ரீகாந்த் கேரக்டரில் தமிழ் நடிகர் ஜீவா நடித்துள்ளார். நேற்று வெளியான இந்த படம் நல்ல விமர்சனங்களைப் பெற்று ஓடி வருகிறது.
ஆனால் எதிர்பார்த்த அளவுக்கு இந்த படம் வசூல் செய்யவில்லை என சொல்லப்படுகிறது. முதல் நாள் வசூல் சுமார் 13 கோடி ரூபாய் அளவுக்குதான் இருக்கும் என்று சொல்லப்படுகிறது. இத்தனைக்கும் நெகட்டிவ் விமர்சனங்களை பெற்ற சூர்யவன்ஷி மற்றும் புஷ்பா ஆகிய படங்கள் இந்த படத்தை விட அதிகமாக வசூலித்தன என்பது குறிப்பிடத்தக்கது.
