நடிகை ஆலியா பட் நடிக்கும் புதிய படம் ஓடிடியில் நேரடியாக ரிலிஸ் ஆகும் என சொல்லப்படுகிறது.
மும்பையின் சிவப்பு விளக்க்கு பகுதியான காமாட்டிபுராவில் மிகப்பெரிய கேங்ஸ்டர் பெண்ணாக திகழ்ந்து வந்தவர் கங்குபாய் கொத்தேவாலி. பாலியல் தொழிலில் விருப்பமின்றி நுழைக்கப்பட்டு பின்னர் அந்த தொழிலில் முடிசூடா ராணியாக திகழ்ந்தவர் கங்குபாய். அவரின் வாழ்க்கையை ஒட்டிதான் இப்போது சஞ்சய் லீலா பன்சாலி கங்குபாய் கதியாவாட்டி என்ற படத்தை எடுத்து வருகிறாராம். இதன் மையக் கதாபாத்திரத்தில் ஆலியா பட் நடித்துள்ளார்.
இந்த படத்தின் படப்பிடிப்பு முடிந்துள்ள நிலையில் இப்போது நேரடியாக ஓடிடி ரிலீஸ் செய்ய பேச்சுவார்த்தை நடப்பதாக சொல்லப்படுகிறது. கொரோனா காரணமாக திரையரங்குகள் திறக்கப்படாத நிலையில் இந்த முடிவு எடுக்கப்பட்டுள்ளதாக சொல்லப்படுகிறது.
