துருவ நட்சத்திரம் படத்தை தூசி தட்டும் கெளதம் மேனன்!

‘துருவ நட்சத்திரம்’ படத்தில் மீதமுள்ள பணிகளை தொடங்கியுள்ளார் கெளதம் மேனன்.

கெளதம் மேனன் இயக்கத்தில் உருவாகிவரும் படம் ‘துருவ நட்சத்திரம்’. விக்ரம் ஹீரோவாக நடிக்க, ரிது வர்மா மற்றும் ஐஸ்வர்யா ராஜேஷ் என இரண்டு ஹீரோயின்கள் நடிக்கின்றனர். கெளதம் மேனன், எஸ்கேப் ஆர்ட்டிஸ்ட் பி.மதன் இணைந்து தயாரிக்கும் இந்தப் படத்தை, லைகா புரொடக்‌ஷன்ஸ் வெளியிடுகிறது.

ஹாரிஸ் ஜெயராஜ் இசையமைக்கும் இந்தப் படத்துக்கு, மனோஜ் பரமஹம்சா ஒளிப்பதிவு செய்கிறார். பார்த்திபன், கெளதம் மேனன், சிம்ரன், சுரேஷ் சந்திரமேனன், ராதிகா சரத்குமார், வம்சி கிருஷ்ணா, டிடி ஆகியோர் முக்கிய வேடங்களில் நடித்துள்ளனர்.

பல நாடுகளிலும் இந்தப் படத்தின் ஷூட்டிங் நடைபெற்றுள்ளது. ஆனால், கிளைமாக்ஸ் காட்சியை இன்னும் படமாக்காமல் இருக்கிறார் கெளதம் மேனன். பல நாட்களுக்குப் பிறகு தூசி தட்டி மறுபடியும் இந்தப் படத்தைக் கையில் எடுத்திருக்கிறார். இறுதிக்கட்டப் பணிகளுக்கான தயாரிப்பில் இருப்பதாக அவர் இன்ஸ்டாகிராமில் தெரிவித்துள்ளார்.