கடந்த ஆயுத பூஜை தினத்தில் ஏ.ஆர்.முருகதாஸ் இயக்கிய 'ஸ்பைடர்', விஜய்சேதுபதியின் 'கருப்பன் மற்றும் கவுதம் கார்த்திக்கின் 'ஹரஹர மகாதேவகி' ஆகிய படங்கள் வெளியானது. இந்த மூன்று படங்களில் அதிக வசூல் செய்த படம் 'ஸ்பைடர்; தான் என்றாலும் விநியோகிஸ்தர்களுக்கும், திரையரங்கு உரிமையாளர்களுக்கும் நல்ல லாபத்தை கொடுத்த படம் கருப்பன் மற்றும் ஹரஹரமகாதேவகி படங்கள் தான்'. அதேபோல் விமர்சன அளவிலும் 'ஸ்பைடரை விட மற்ற இரண்டு படங்களுக்கு பாசிட்டிவ் விமர்சனங்கள் கிடைத்துள்ளது.
'ஸ்பைடர்' திரைப்படம் தமிழகத்தில் கடந்த 6 நாட்களில் ரூ.16 கோடி வசூல் செய்துள்ளது. இந்த படத்தின் பட்ஜெட்டை ஒப்பிடும்போது இந்த வசூல் தொகை மிகவும் குறைவு
ஆனால் அதே நேரத்தில் குறைந்த பட்ஜெட்டில் எடுக்கப்பட்ட விஜய்ய்சேதுபதியின் கருப்பன் திரைப்படம் கடந்த 4 நாட்களில் தமிழகத்தில் ரூ.10.5 கோடி வசூல் செய்துள்ளது. அதேபோல் கௌதம் கார்த்திக்கின் 'ஹரிஹரமகாதேவி' திரைப்படம் கடந்த மூன்று நாட்களில் தமிழகத்தில் ரூ.7 கோடி வசூல் செய்துள்ளது. இந்த இரண்டு படங்கள் தான் உண்மையான வியாபாரரீதியிலான வெற்றிப்படம் என்று கூறப்படுகிறது
