லோகேஷ் கனகராஜ் பா ரஞ்சித் இயக்கத்தில் வெளியாகியுள்ள சார்பட்டா பரம்பரை படத்தை பாராட்டியுள்ளார்.
பா.ரஞ்சித் இயக்கத்தில் ஆர்யா நடித்து அமேசான் ப்ரைம் ஓடிடியில் வெளியான படம் சார்பட்டா பரம்பரை. 1970ளில் சென்னையில் பிரபலமாக இருந்த ஆங்கில குத்துச்சண்டையை மையப்படுத்தி வெளியான இந்த படம் விமர்சன அளவில் பெரும் வரவேற்பை பெற்றுள்ளது. படத்தில் அப்போதைய எமெர்ஜென்சி கால சூழல் போன்றவற்றை பதிவு செய்திருப்பதும் வரவேற்பை பெற்றுள்ளது. இந்த படம் பலதரப்புகளில் இருந்தும் பாராட்டுகளைப் பெற்று வருகிறது.
இதையடுத்து இப்போது இயக்குனர் லோகேஷ் கனகராஜ் தன்னுடைய சமூகவலைதளப் பக்கத்தில் ‘ ஸ்போர்ட்ஸ் டிராமா வகைப் படங்களில் இது ஒரு மைல்கல் படம். இப்படி ஒரு படத்தைக் கொண்டு வந்ததற்கு நன்றி ரஞ்சித் அண்ணா. ஆர்யா உள்ளிட்ட அனைவருக்கும் வாழ்த்துகள்’ எனக் கூறியுள்ளார்.
