மாநாடு திரைப்படத்தின் வெற்றி விழாவை சிம்பு ரசிகர்கள் கொண்டாட இருந்த நிலையில் தற்போது அந்த கூட்டம் ஒமிக்ரான் காரணமாக ஒத்திவைக்கப்பட்டுள்ளது.
வெங்கட் பிரபு இயக்கத்தில் சிம்பு நடித்த படம் மாநாடு. கல்யாணி ப்ரியதர்ஷன், எஸ்ஜே சூர்யா உள்ளிட்ட பலர் நடித்திருந்த இந்த படத்திற்கு யுவன் சங்கர் ராஜா இசையமைத்திருந்தார். டைம் லூப் கான்செப்ட்டை மையப்படுத்திய இந்த படம் கடந்த நவம்பர் மாதம் திரையரங்கில் வெளியாகி பெரும் வெற்றி பெற்றது.
இந்த படத்தின் வெற்றி விழாவை கொண்டாட சிம்பு ரசிகர் மன்றம் திட்டமிட்டிருந்தது. ஜனவரி 6ம் தேதி வெற்றிவிழா திட்டமிடப்பட்டிருந்த நிலையில் தற்போது ஒமிக்ரான் கட்டுப்பாடுகள் காரணமாக வெற்றிவிழா கூட்டம் ஒத்திவைக்கப்படுவதாக ரசிகர் மன்ற தலைமை அறிவித்துள்ளது. அதிகாரப்பூர்வ அறிவிப்பு விரைவில் வெளியாகும் என தெரிவிக்கப்பட்டுள்ளது.
