விஜய்க்குப் பிறந்த நாள் வாழ்த்து சொல்லி, நெட்டிசன்களிடம் செம கலாய் வாங்கியுள்ளார் தனுஷ்.
விஜய், தன்னுடைய பிறந்த நாளை நேற்று கொண்டாடினார். ஆனாலும், 100 நாட்களுக்கு முன்பிருந்தே அவருடைய பிறந்த நாளைக் கொண்டாட ஆரம்பித்துவிட்டனர் ரசிகர்கள். நேற்று பல்வேறு பிரபலங்கள் வாழ்த்து தெரிவித்த நிலையில், நேற்று முன்தினமே வாழ்த்து தெரிவித்துள்ளார் தனுஷ். “பிறந்தநாள் வாழ்த்துகள் சார். எப்போதுமே நீங்கள் மிகச்சிறந்த மனிதர், கடின உழைப்பாளி. நான் எப்போதுமே உங்களை மதிக்கிறேன்” என ட்விட்டரில் வாழ்த்து தெரிவித்துள்ளார் தனுஷ்.
அது விஷயமல்ல, 21ஆம் தேதி சரியாக 12 மணிக்கு வாழ்த்தியுள்ளார் தனுஷ். ஆனால், விஜய்யின் பிறந்த நாள் 22ஆம் தேதிதான். எனவே, ‘உங்க கடமை உணர்ச்சிக்கு அளவில்லையா?’ என்ற ரீதியில் நெட்டிசன்கள் அவரைக் கலாய்த்துள்ளனர். இதுகுறித்து, பல்வேறு மீம்களையும் அவர்கள் உருவாக்கியுள்ளனர்.
