ரஜினிகாந்த் இப்போது ஜெயிலர் மற்றும் லால் சலாம் ஆகிய படங்களில் நடித்து வருகிறார். இதன் பின்னர் அவர் நடிக்கும் படத்தை இயக்கப் போவது யார் என்ற கேள்வி எழுந்துள்ளது. இந்த படங்களுக்குப் பிறகு ரஜினி நடிக்கும் அடுத்த படத்தை, இயக்குனர் ஞானவேல் இயக்க உள்ளதாக அறிவிக்கப்பட்டுள்ளது. இந்தபடத்தை லைகா புரொடக்ஷன்ஸ் தயாரிக்க, அனிருத் இசையமைக்கிறார். இந்நிலையில் இந்த படத்தின் கதைக்களம் பற்றி சமூகவலைதளங்களில் ஒரு தகவல் பரவி வருகிறது. அதன்படி இந்த படத்தில் ரஜினிகாந்த் ஓய்வு பெற்ற காவல் அதிகாரியாக நடிப்பதாகவும், அவர் சட்டத்துக்குப் புறம்பாக நடக்கும் என்கவுண்ட்டர்களுக்கு எதிராக போராடும் வேடத்தில் நடிப்பதாகவும் சொல்லப்படுகிறது.
இதற்கிடையில் நீண்டகாலமாக ரசிகர்களை சந்திக்க இருந்த ரஜினிகாந்த், சென்னையில் ரசிகர்களை சந்திக்க இருந்தாராம். இந்த நிகழ்வில் சிவகார்த்திகேயனும் கலந்துகொள்ள இருந்ததாக சொல்லப்படுகிறது. ஆனால் திடீரென ரஜினி, இப்போது சந்திப்பை ரத்து செய்து விட்டதாக சொல்லப்படுகிறது. இது ரஜினி ரசிகர்களை ஏமாற்றமடைய செய்துள்ளது.
