கொரோனா காலத்திற்கு பின்னாக ஓடிடி பிளாட்பார்ம்களில் திரைப்படங்கள் நேரடியாக ரிலீஸ் ஆவது அதிகரித்துள்ளது.
இந்தியா முழுவதும் உள்ள அனைத்து திரையர்ங்கங்களும் மார்ச் மாதம் முதல் மூடப்பட்டுள்ளன. இதனால் ரிலிஸூக்கு தயாரான சில படங்கள் இன்னமும் ரிலீஸ் ஆக முடியாமல் பெட்டிக்குள் முடங்கியுள்ளன. இதனால் சிறு மற்றும் குறு பட்ஜெட் தயாரிப்பாளர்கள் தங்கள் படங்களை ஓடிடியில் ரிலீஸ் செய்ய ஆர்வம் காட்டி வருகின்றனர். ஆனால் இது திரையரங்க உரிமையாளர்கள் மத்தியில் எதிர்ப்பை ஏற்படுத்தியது.
ஆனாலும் எதிர்ப்பை மீறி அமேசான் ப்ரைம் பொன்மகள் வந்தாள் மற்றும் பெண்குயின் ஆகிய படங்களை ரிலீஸ் செய்தது. ஆனால் இந்த இரண்டு படங்களும் சுத்த திராபையாக இருந்ததால் ரசிகர்கள் ஏமாற்றம் அடைந்தன. மேலும் இந்த படங்கள் எல்லாம் தியேட்டரில் ரிலீஸ் ஆகி இருந்தால் ஒரு ஷோவை தாண்டியிருக்க முடியாது என விமர்சனங்கள் எழுந்தன.
இந்நிலையில் நேற்று வெளியான கணிதமேதை சகுந்தலா தேவியின் பயோபிக்கான சகுந்தலா தேவி படம் ரசிகர்களை ஈர்த்துள்ளது. இதன் மூலம் தங்கள் தளத்துக்கான சரியான படத்தை ப்ரைம் தேர்ந்தெடுத்துள்ளதாக ரசிகர்கள் பாராட்டுகளை தெரிவித்துள்ளனர். சகுந்தலாதேவியாக நடிகை வித்யா பாலன் மிக சிறப்பான நடிப்பை கொடுத்துள்ளார்.
