நடிகர் சூர்யா நடிக்கும் 43 வது திரைப்படம் குறித்த அறிவிப்பு இன்று மாலை 4 மணிக்கு வெளியாகும் என ஏற்கனவே தெரிவிக்கப்பட்டு இருந்த நிலையில் தற்போது அது குறித்த அறிவிப்பு வெளியாகி உள்ளது.
சூர்யாவின் 43-வது திரைப்படத்தை சுதா கொங்காரா இயக்க இருப்பது உறுதி செய்யப்பட்டுள்ளது. மேலும் இந்த படத்தை சூர்யாவின் 2டி என்டர்டைன்மென்ட் நிறுவனம் தயாரிக்க உள்ளதாகவும் அறிவிக்கப்பட்டுள்ளது.
இந்த படத்திற்கு ஜிவி பிரகாஷ் இசையமைக்க இருப்பதாகவும் அவருக்கு இந்த படம் நூறாவது படம் என்றும் அறிவிக்கப்பட்டுள்ளது துல்கர் சல்மான், நஸ்ரியா, விஜய் வர்மா உள்ளிட்டோர் நடிக்க இருப்பதாகவும் அறிவிக்கப்பட்டுள்ளது.
சுதா கொங்காரா இயக்கத்தில் உருவாகும் இந்த படத்திற்கு 'புறநானூறு’ என்ற டைட்டில் வைக்கப்பட்டுள்ளதாகவும் அறிவிக்கப்பட்டுள்ளது.
