தமிழ் சினிமாவின் முன்னணி நடிகர் விஜய். இவர், திரிஷா, அர்ஜூன், சஞ்சய் தத், மிஸ்கின் ஆகியோருடன் இணைந்து நடித்துள்ள படம் லியோ. இப்படத்தை லோகேஷ் கனகராஜ் இயக்கியுள்ளார்.
அனிருத் இசையமைப்பில், 7 ஸ்கீரின் பிக்சர்ஸ் தயாரிப்பில் உருவாகியுள்ள இப்படம் வரும் (அக்டோபர் 19 ஆம் தேதி) நாளை ரிலீஸாகவுள்ளது.
இப்படம் காலை 9 மணிக்கு வெளியாகவுள்ளது. இந்த நிலையில், உலகம் முழுவதும் எதிர்பார்ப்பை ஏற்படுத்தியுள்ள இப்படம் நாளை வெளியாகவுள்ள நிலையில், உலகளவில் வெளியாகும் நேரம் வெளியிடப்பட்டுள்ளது.
அதன்படி, தமிழ் நாட்டில் காலை 9 மணி; புதுச்சேரியில் காலை 7 மணி: ஆந்திரா – அதிகாலை 5 மணி, கேரளா- அதிகாலை 4 மணி, கர்நாடகா- அதிகாலை 4 மணி, வட இந்தியா அதிகாலை –4 மணி; வெளிநாடுகளில் அதிகாலை 4 மணி IST க்கு வெளியாகவுள்ளது.
பான் இந்தியா படமாக வெளியாகும் லியோ, இந்தியாவில் பெரும் எதிர்பார்ப்பை ஏற்படுத்தியுள்ளது. இப்படத்தை முதல்நாள் முதற்காட்சியில் பார்க்க ரசிகர்கள் டிக்கெட் முன்பதிவு செய்து வருகின்றனர்.
இந்த நிலையில், மற்ற மாநிலங்களில் அதிகாலை 4 மணிக்கு மேல் லியோ வெளியாகும் எனக் கூறப்படும் நிலையில், குஜராத் மாநிலம் அகமதாபாத்தில் உள்ள சன்லைட் தியேட்டரில் விஜய்யின் லியோ படம் நள்ளிரவு 12:05 மணிக்கே வெளியாகவுள்ளதாக தகவல் வெளியாகிறது.
