சர்ச்சைகளுக்கு பெயர்போன பிரபல பாலிவுட் நடிகை ராக்கி சாவந்த் மல்யுத்த வீராங்கணையுடன் மோதி அடி வாங்கி காயத்துடன் மருத்துவமனையில் அனுமதிக்கப்பட்டுள்ளார்.
பஞ்சாப் மாநிலம் பஞ்ச்குலாவில் டபுள்யூ டபுள்யூ இ வீரர் தி கிரேட் காளியின் மல்யுத்த அகாடமியான சிடபுள்யூஇ மல்யுத்த போட்டிக்கு ஏற்பாடு செய்திருந்தது. அந்த போட்டியின் துவக்க நாளில் மேடையில் நடனம் ஆட ராக்கி சாவந்த் அழைக்கப்பட்டார்.
ராக்கி சாவந்த் டான்ஸ் ஆடிவிட்டு பெண்கள் மோதிக் கொண்ட மல்யுத்த போட்டியை கண்டு ரசித்து கொண்டிருந்தார். அப்போது ரொபல் என்ற வீராங்கனை தன்னை எதிர்த்து மோதியவர்களை தாக்கி வெற்றி பெற்றார்.
அதை பார்த்த ராக்கி ரொபலை தன்னுடன் மோதுமாறு சவால் விட்டு மேடைக்கு சென்றார். சென்ற வேகத்திலே அவரை ரொபல் தூக்கிப் போட்டி நாக் அவுட் செய்துவிட்டார்
ரொபல் தாக்கியதில் ராக்கி சாவந்த் களத்திலே மயக்கம் அடைந்துவிட்டார். உடனே நிகழ்ச்சி ஏற்பாட்டாளர்கள் அவரை அருகில் உள்ள மருத்துவமனையில் அனுமதித்தனர்.
இந்த காயத்தால் தலை மற்றும் இடுப்பு வலிப்பதாக ராக்கி தெரிவித்து வீடியோ ஒன்றை வெளியிட்டார். மேலும் அடி வாங்கிய காயம் கூட ஆறாத நிலையில், தற்போது இது நடிகை தனுஸ்ரீ தத்தாவின் சதி வேலை என்று குற்றம் சாட்டியுள்ளார்.
ராக்கி நாக் அவுட் ஆன வீடியோ தற்போது சமூக வலைதளங்களில் அதிக அளவில் ஷேர் செய்யப்பட்டு வருகிறது.
