இந்தியா முழுவதும் குறைந்தபட்ச ஜிஎஸ்டி 5 சதவீதமாக உள்ள நிலையில் அதை 8 சதவீதமாக உயர்த்த ஆலோசனை மேற்கொண்டு வருவதாக தகவல்கள் வெளியாகியுள்ளது.
இந்தியா முழுவதும் மத்திய அரசின் சரக்கு மற்றும் சேவைக்கான ஜிஎஸ்டி வரிவிதிப்பு முறை உள்ளது. கடந்த 2017ம் ஆண்டில் இந்த வரி விதிப்பு முறை அமல்படுத்தப்பட்ட நிலையில் குறைந்தபட்சம் 5 சதவீதம் முதல் 28 சதவீதம் வரை ஜிஎஸ்டி வரி 4 வகைகளில் வசூலிக்கப்பட்டு வருகிறது. உணவு பொருட்கள் உள்ளிட்ட அத்தியாவசிய பொருட்களுக்கு குறைந்தபட்சமாக 5 சதவீதம் ஜிஎஸ்டி உள்ளது.
இந்நிலையில் ஜி.எஸ்.டி மூலமாக வரி வருவாயை உயர்த்துவதற்கான வழிகளை ஆராய கர்நாடக முதலமைச்சர் பசவராஜ் பொம்மை தலைமையில் குழு அமைக்கப்பட்டுள்ளது. இந்த குழு இதுவரை 4 வகைகளில் வசூலிக்கப்பட்ட ஜிஎஸ்டியை மூன்றாக குறைக்க பரிந்துரைக்க உள்ளதாக கூறப்படுகிறது.
மேலும் இதுவரை குறைந்தபட்சம் 5 சதவீதமாக இருந்த ஜிஎஸ்டி வரியை 8 சதவீதமாக உயர்த்தவும் பரிந்துரைத்துள்ளதாக கூறப்படுகிறது. இதனால் அரசுக்கு ஆண்டு ஒன்றுக்கு 1.50 லட்சம் கோடி கூடுதல் வருவாய் கிடைக்கும் என கூறப்படுகிறது.
