ரிலையன்ஸ் மற்றும் வால்ட் டிஸ்னி ஹாட்ஸ்டார் இணைந்து உருவாக்கிய ஜியோ ஹாட்ஸ்டார், கடந்த பிப்ரவரி 14, 2025 முதல் செயல்படுகிறது. தொடங்கிய சில வாரங்களிலேயே, ஜியோ ஹாட்ஸ்டார் ஐபிஎல் போன்ற பிரபல போட்டிகளை ஒளிபரப்பி, நேற்று வரை ரூ.10,006 கோடி வருமானம் ஈட்டியுள்ளதாக அறிவிக்கப்பட்டுள்ளது.
கடந்த 5 வாரங்களில், 10 கோடி சந்தாதாரர்களை சேர்த்துள்ள ஜியோ ஹாட்ஸ்டார், மார்ச் 25க்குள் மாதத்திற்கு 50.3 கோடி ஆக்டிவ் பயனாளர்களை பெற்றுள்ளதாக ரிலையன்ஸ் தெரிவித்துள்ளது. இப்போது, இந்தியாவின் மிகப்பெரிய டிஜிட்டல் லைப்ரரி எனும் கண்ணியத்தையும் பெற்றுள்ளது.
மொத்த தொலைக்காட்சி சந்தையில் 34% பங்கைக் கொண்டு ஜியோ ஹாட்ஸ்டார் முன்னணி இடத்தை பிடித்துள்ளது. மாதந்தோறும் 76 கோடி பார்வையாளர்கள் இங்கு உள்ளதாகவும் கூறப்படுகிறது.
2024 நவம்பர் 14 அன்று ரிலையன்ஸ், வால்ட் டிஸ்னி, வியாகாம் 18 இணைந்ததாக அறிவிக்கப்பட்டது. ஜியோ ஹாட்ஸ்டார், ஐபிஎல் மட்டுமல்லாது மகளிர் கிரிக்கெட், கால்பந்து, இருதரப்பு தொடர்களையும் ஒளிபரப்பி வருவதை குறிப்பிட வேண்டியது முக்கியம்.
ஐபிஎல் 2025 தொடக்க வாரத்திலேயே 1.4 பில்லியன் டிஜிட்டல் பார்வைகளை பெற்றுள்ளது. 2023 உலகக்கோப்பையை விட, 2025 சாம்பியன்ஸ் டிராபியில் அதிக பார்வைகள் கிடைத்துள்ளன. மேலும், பல மொழிகளில் ஒளிபரப்புவதால் கூடுதல் வருமானம் வந்திருக்கிறது.
ஐபிஎல் இறுதி மே 25 அன்று நடக்க இருக்கிறது என்பதால் ஐபிஎல் முடிவதற்குள் இன்னும் பல ஆயிரம் கோடி லாபம் கிடைக்கும் என எதிர்பார்க்கப்படுகிறது.
