புதிய நாடாளுமன்ற கட்டிட அமைப்பே பாதுகாப்பு குறைபாடுடன் உள்ளதாக தெரிகிறது என திமுக எம்பி கனிமொழி தெரிவித்துள்ளார். இதுகுறித்து அவர் மேலும் கூறியதாவது:
புதிய நாடாளுமன்ற கட்டிடத்தின் அவைக்குள் எளிதாக ஊடுவருவக் கூடிய வகையில் பார்வையாளர்கள் மாடம் அமைக்கப்பட்டுள்ளது. பிரதமர் இருக்கக் கூடிய அவையில் பாதுகாப்பு குறைபாடு இருக்கிறது என்றால் யார்தான் இதற்கு பொறுப்பு?
அரசை எதிர்ப்போரை தேசவிரோதி என முத்திரை குத்தும் பாஜக, அவை பாதுகாப்பு குறைபாடு பற்றி என்ன சொல்லப் போகிறது? என கனிமொழி எம்பி கேள்வி எழுப்பியுள்ளார்.
புதிய நாடாளுமன்ற கட்டிடத்தில் பாதுகாப்பு குறைபாடு இருப்பதாக ப சிதம்பரம், கார்த்திக் சிதம்பரம், மல்லிகார்ஜூனே கார்கே உள்ளிட்ட எதிர்க்கட்சிதி தலைவர்கள் கண்டனம் தெரிவித்துள்ள நிலையில் தற்போது கனிமொழியும் தனது கண்டனத்தை பதிவு செய்து உள்ளார் என்பது குறிப்பிடத்தக்கது
