உலகின் 3வது பெரிய பொருளாதார நாடாக இந்தியாவை மாற்றிக் காட்டுவேன்: பிரதமர் மோடி

தற்போது இந்தியா உலகின் 5வது பெரிய பொருளாதார நாடாக இருக்கும் நிலையில் நான் மீண்டும் பிரதமர் ஆனால் உலகின் பெரிய மூன்றாவது பொருளாதாரம் நாடாக இந்தியாவை மாற்றி காட்டுவேன் என பிரதமர் மோடி தெரிவித்துள்ளார்.  

டெல்லியில் நடந்த நிகழ்ச்சி ஒன்றில் கலந்து கொண்ட பிரதமர் மோடி, ‘தான் முதல் முறையாக ஆட்சி அமைக்கும் போது உலக பொருளாதாரத்தில் இந்தியா பத்தாவது இடத்தில் இருந்தது என்று தெரிவித்தார். 

தனது இரண்டாவது பதவி காலத்தில் இந்தியா ஐந்தாவது பெரிய பொருளாதார நாடாக மாறி உள்ளதாக கூறிய அவர் 2024 ஆம் ஆண்டு தேர்தலில் வெற்றி பெற்று மீண்டும் ஆட்சி அமைத்தல் இந்தியாவை மூன்றாவது பெரிய பொருளாதார நாடாக கொண்டு செல்வேன் என்று கூறினார்.  

கடந்த 9 ஆண்டுகளில் பாஜக ஆட்சியில் நலத்திட்டங்கள் காரணமாகவே இது சாத்தியமாகியுள்ளது என்றும்  நல்ல விஷயங்களை தடுத்து அதன் மீது அவதூறு பரப்புவதே சிலருக்கு குணம் என்றும் அவர் கூறினார்.

Edited by Siva