கடந்த சில நாட்களாகவே பாஜக பிரமுகர்கள் உலக அதிசயங்களில் ஒன்றான தாஜ்மஹால் குறித்து பல்வேறு சர்ச்சைக்குரிய கருத்துக்களை தெரிவித்து வருகின்றனர். தாஜ்மஹால் அடிமைகளால் கட்டப்பட்டது என்றும், தாஜ்மஹால் சிவன் கோவிலை இடித்து கட்டப்பட்டது என்றும் கூறப்பட்டு வரும் நிலையில் உபி முதல்வர் யோகி ஆதித்யநாத் வரும் 26ஆம் தேதி தாஜ்மஹாலுக்கு செல்லவுள்ளார்
சமீபத்தில் உபி மாநில சுற்றுலா பகுதியில் இருந்து நீக்கப்பட்ட தாஜ்மஹாலுக்கு உபி முதல்வர் வருகை தரவுள்ளதால் இந்த வருகைக்கு பின்னர் முதல்வரிடம் இருந்து அதிரடி அறிவிப்பு ஏதும் வர வாய்ப்பு இருப்பதாக கூறப்படுகிறது.
இருப்பினும் முதல்வர் தாஜ்மஹால் குறித்து சர்ச்சைக்குரிய முடிவுகள் எடுக்க மாட்டார் என்றும் முதல்வரின் இந்த விசிட்டில் எந்த உள்நோக்கமும் இல்லை என்றும் முதல்வர் அலுவலக வட்டாரங்கள் கூறுகின்றன.
