தமிழ்நாடு காங்கிரஸ் கமிட்டியின் ஊடகம் மற்றும் தகவல் துறை மாநில தலைவராக நியமனம் செய்யப்பட்ட ஆனந்த் ஸ்ரீனிவாசன் இன்று அந்த பொறுப்பை ஏற்றார். இந்த பொறுப்பை அவர் ஏற்ற பின்னர் செய்தியாளர்களுக்கு பேட்டியளித்தார், அதில் அவர் கூறியதாவது:
எம்.ஜி.ஆர். படத்திற்கு பதிலாக அரவிந்த் சாமியின் புகைப்படத்தை பேனராக வைக்கும் நிலையில்தான் அதிமுக உள்ளது. அதிமுகவின் வாக்குகளை பாஜகவுக்கு கொடுக்கும் நிலையில் அக்கட்சி இருக்கிறது
மத்தியில் ஆளும் கட்சிக்கு நெருங்கிய சாமியாரின் ஊழலை உச்ச நீதிமன்றம் நேற்று தோலுரித்துள்ளது. ஆனால், இதுபோன்ற பல விவகாரங்களை பாஜக அரசு கண்டுகொள்ளாமல் உள்ளது.
மேலும் காங்கிஸ் கட்சியில் எனக்கு பதவி கொடுத்ததாக கேள்விப்பட்டவுடன் எனக்கே இன்ப அதிர்ச்சியாக இருந்தது. மக்களவைத் தேர்தலில் தமிழகத்தில் திமுக தலைமையில் உள்ள கூட்டணி அனைத்து தொகுதிகளிலும் வெற்றி பெறும். திமுக கூட்டணியில் காங்கிரஸ் இருக்கும். கூட்டணியில் எந்த இழுபறியும் இல்லை. என அவர் தெரிவித்தார்.
