வரும் நாடாளுமன்ற தேர்தலில் ஒரு வேட்பாளர் தோல்வி அடைந்தால் அந்த தொகுதியின் மாவட்ட செயலாளர் பதவி நீக்கம் செய்யப்படுவார் என திமுக தலைவர் மற்றும் முதல்வர் ஸ்டாலின் தெரிவித்திருப்பது பரபரப்பு ஏற்படுத்தி உள்ளது.
அடுத்த ஆண்டு நடைபெற உள்ள நாடாளுமன்ற தேர்தலில் 40 இடங்களையும் பிடிக்க வேண்டும் என்ற குறிக்கோளுடன் திமுக செயல் பட்டு வருகிறது. இதற்காக தொண்டர்களை உற்சாகப்படுத்தியும் மாவட்ட செயலாளர்களுக்கு சில அறிவுரைகளை முதல்வர் மு க ஸ்டாலின் வழங்கி வருகிறார்.
இந்த நிலையில் நாடாளுமன்ற தேர்தலில் திமுக வேட்பாளர் தோல்வி அடைந்தால் அந்த பகுதியில் மாவட்ட செயலாளர் நீக்கப்படுவார் என்று தெரிவித்துள்ளார். தொகுதி பார்வையாளர்களுக்கு சரியாக ஒத்துழைக்காத மாவட்ட செயலாளர்களும் மாற்றப்படுவார்கள் என்றும் திமுக மாவட்ட செயலாளர்களுடன் ஆலோசனை நடத்திய பின்னர் முதல்வர் ஸ்டாலின் இந்த எச்சரிக்கையை எடுத்துள்ளார்.
