நடைபெற இருக்கும் பாராளுமன்ற தேர்தலில் அதிமுக கூட்டணியில் காங்கிரஸ் இணைய வாய்ப்பிருப்பதாக கூறப்படுகிறது.
சமீபத்தில் நடந்த ஐந்து மாநில தேர்தலில் காங்கிரஸ் தோல்வி அடைந்ததற்கு உதயநிதி பேசிய சனாதனம் குறித்த கருத்து என்று காங்கிரஸ் நினைக்கிறது. அதேபோல் திமுக எம்பி செந்தில்குமார் பேசிய சர்ச்சைக்குரிய கருத்தும் காங்கிரஸ் கட்சிக்கு பெரும் அதிருப்தியை ஏற்படுத்தி உள்ளது.
எனவே திமுகவுடன் கூட்டணி அமைத்தால் அகில இந்திய அளவில் காங்கிரஸுக்கு பெரும் பாதிப்பு ஏற்படும் என காங்கிரஸ் கட்சியின் மூத்த தலைவர்கள் தெரிவித்து வருவதாக கூறப்படுகிறது. மேலும் காங்கிரஸ் கட்சிக்கு ஆலோசனை கூறும் சில நிபுணர்கள் அதிமுகவுடன் கூட்டணி அமைக்க ஆலோசனை கூறி வருவதாகவும் கூறப்படுகிறது.
இந்த நிலையில் காங்கிரஸ் கட்சியின் முக்கிய தலைவர்களை தம்பித்துரை ரகசியமாக சந்தித்து கூட்டணி குறித்த பேச்சு வார்த்தையை நடத்தி வருவதாகவும் கூறப்படுகிறது. காங்கிரஸ் கட்சி, திமுக கூட்டணியில் இருந்து விலகி அதிமுக கூட்டணிக்கு செல்லுமா என்பதை பொறுத்திருந்துதான் பார்க்க வேண்டும்.
