இன்று சர்வதேச மகளிர் தினம்: வைரமுத்து வாழ்த்து!

இன்று உலகம் முழுவதும் சர்வதேச மகளிர் தினம் கொண்டாடப்படுவதை அடுத்து பிரபல பாடலாசிரியர் வைரமுத்து கவிதை வடிவில் வாழ்த்து தெரிவித்து தனது டுவிட்டரில் பதிவு செய்துள்ளார். அவர் அதில் கூறியிருப்பதாவது: 

கடவுளாக்கி

ஒதுக்குவதுமில்லை

அடிமையாக்கி

அடக்குவதுமில்லை

சில நேரங்களில்

ஆணினும் மேலானவள்

மற்றபடி நிகரானவள்

உன் தியாகத்தை -

திண்மையை -

கற்றுக்கொள்ளாமலே

கழிகிறது ஆண்கூட்டம்

நீ இல்லையேல்

ஈர்ப்புமில்லை;

காப்புமில்லை

எப்போதும்போல்

மகளிர் தினத்திலும்

மதிக்கிறேன் பெண்ணே!