தமிழகத்தில் உள்ள ஒரு சில மாவட்டங்களில் சிறப்பு விசேஷ நாட்கள் வரும் போது அந்தந்த மாவட்டத்திற்கு மற்றும் உள்ளூர் விடுமுறை என மாவட்ட கலெக்டர் அறிவிப்பு செய்வார்கள் என்பது தெரிந்ததே.
அந்த வகையில் தஞ்சை மாவட்டத்தில் தியாகராஜ ரின் 166வது ஆராதனை விழா நடைபெறுவதை அடுத்து தஞ்சை மாவட்டத்திற்கு வரும் 11-ஆம் தேதி உள்ளூர் விடுமுறை என மாவட்ட கலெக்டர் அறிவித்துள்ளார்.
மேலும் இந்த விடுமுறையை ஈடுகட்டும் வகையில் வேறு ஒரு நாள் வேலை நாளாக அறிவிக்கப்படும் என்றும் அது குறித்த அறிவிப்பு விரைவில் வெளிவரும் என்று மாவட்ட கலெக்டர் தெரிவித்துள்ளார்.
தஞ்சை மாநகரில் தியாகராஜரின் 166வது ஆராதனை விழா மிகவும் விசேஷமாக கொண்டாட இருப்பதை அடுத்து சிறப்பு ஏற்பாடுகள் செய்யப்பட்டு வருவதாகவும் தகவல்கள் வெளியாகியுள்ளன
