சூப்பர் ஸ்டார் ரஜினிகாந்த் மற்றும் உலக நாயகன் கமல்ஹாசன் ஆகிய இருவரும் வரும் சட்டமன்ற தேர்தலில் தனித் தனியாகவோ அல்லது இணைந்தோ போட்டியிடப் போவது உறுதியாகி விட்டது. திமுக அதிமுகவை அடுத்து ரஜினி, கமல் கூட்டணிக்கு மிகப்பெரிய எதிர்பார்ப்பு உள்ளது என்பது குறிப்பிடத்தக்கது
இந்த நிலையில் ரஜினி மற்றும் கமல் ஆகிய இருவரின் அரசியல் குறித்தும் திமுக மற்றும் அதிமுகவின் தலைவர்கள் கடுமையாக விமர்சனம் செய்து வருகின்றனர். குறிப்பாக கமலஹாசனின் அரசியலை இரு தரப்பினரும் கடுமையாக விமர்சனம் செய்து வருகின்றனர் என்பது குறிப்பிடத்தக்கது
இந்த நிலையில் நெல்லையில் இன்று செய்தியாளர்களிடம் பேசிய திமுக எம்பி கனிமொழி அவர்கள் ’ரஜினிகாந்த் கமல்ஹாசன் ஆகிய இருவருக்கும் வாக்களித்து வாழ்க்கையை வீணாக்க மக்கள் விரும்பவில்லை என்று அவர் கூறியிருப்பது பெரும் பரபரப்பை ஏற்படுத்தி உள்ளது
இதற்கு ரஜினி தரப்பில் இருந்து கண்டிப்பாக எந்தவித பதிலும் வராது என்பது தெரிந்ததே. ஆனால் கமல்ஹாசன் தக்க பதிலடி கொடுப்பார் என்று எதிர்பார்க்கப்படுகிறது
