உலகின் முன்னணி கால்பந்து விளையாட்டு வீரரான மெஸ்ஸி தகவல் தெரிவிக்காமல் சவுதி அரேபியாவுக்கு தனது குடும்பத்துடன் சுற்றுலா சென்றதை அடுத்து அவரது அணி நிர்வாகம் அவரை சஸ்பெண்ட் செய்துள்ளது.
கால்பந்து வீரர் லயன் மெஸ்ஸி தற்போது பாரிஸ் செயிண்ட் ஜெர்மைன் என்ற அணிக்காக விளையாடி வருகிறார். இந்த நிலையில் அணி நிர்வாகத்திடம் எந்த விதமான தகவலும் தெரிவிக்காமல் சௌதி அரேபியாவுக்கு தனது குடும்பத்துடன் அவர் சுற்றுலா சென்றார்.
இதை அடுத்து மெஸ்ஸி இரண்டு வாரங்களுக்கு சஸ்பெண்ட் செய்யப்படுவதாக பாரிஸ் செயிண்ட் ஜெர்மைன் அணியின் நிர்வாகம் தெரிவித்துள்ளது. இந்த நிலையில் பாரிஸ் செயிண்ட் ஜெர்மைன் அணியிலிருந்து மெஸ்ஸி விலகப் போவதாகவும் அவரை 400 மில்லியன் டாலர்களுக்கு சவுதி அரேபியாவின் அல் ஹிலால் என்ற அணி ஒப்பந்தம் செய்ய திட்டமிடப்பட்டுள்ளதாகவும் கூறப்படுகிறது
