டெண்டுல்கர் – குக் எனப் பெயரை மாற்றுங்கள் – இங்கிலாந்து முன்னாள் வீரர் கோரிக்கை!

இங்கிலாந்து மற்றும் இந்தியா ஆகிய அணிகளுக்கு இடையே நடக்கும் தொடரின் பெயரை மாற்ற வேண்டும் என மாண்டி பனேசர் தெரிவித்துள்ளார்.

இங்கிலாந்து கிரிக்கெட் அணி இந்தியாவுக்கு சுற்றுப் பயணம் செய்துள்ள நிலையில் இப்போது நான்கு போட்டிகள் கொண்ட டெஸ்ட் தொடரில் விளையாடி வருகிறது. இந்தியா மற்றும் இங்கிலாந்து அணிகளுக்கு இடையிலான சென்னையில் நடைபெற்ற முதல் டெஸ்ட் போட்டியில் இங்கிலாந்து அணி 227 ரன்கள் வித்தியாசத்தில் வெற்றி பெற்றுள்ளது.

தற்போது நடைபெற்று வரும் தொடரின் பெயரை டெண்டுல்கர் –குக் கோப்பை என மாற்ற வேண்டும் என இங்கிலாந்து அணியின் முன்னாள் சுழல்பந்து வீச்சாளர் மாண்டி பனேசர் தெரிவித்துள்ளார். இருவரும் தங்கள் நாட்டுக்காக அதிக ரன்கள் எடுத்து சாதித்துள்ளதால் அவ்வாறு பெயர் மாற்றம் செய்ய சொல்லியுள்ளார். இந்த கோப்பை தற்போது ஆண்டனி டெ மெல்லோ கோப்பை என்று அழைக்கப்பட்டு வருவது குறிப்பிடத்தக்கது.