ஆர்யா சின்னத்திரையில் தோன்றி நடித்த எங்க வீட்டு மாப்பிள்ளை நிகழ்ச்சியில் பிரபலமான அபர்ணதி இப்போது மலைவாழ் பெண்ணாக ஒரு படத்தில் நடித்தார்.
எங்க வீட்டு மாப்பிள்ளை நிகழ்ச்சியில் பல பெண்கள் கலந்து கொண்டாலும், அதில் அதிக கவனம் பெற்றவர் அபர்ணதிதான். அதற்குக் காரணம் அவர் ஆர்யாவை வெறித்தனமாக காதலித்தார். ஆனால் அந்நிகழ்ச்சியில் கலந்துகொண்ட யாரையும் திருமணம் செய்து கொள்ளாமல் ஆர்யா அனைவருக்கும் அல்வா கொடுத்தார்.
அதன் பின் சக நடிகை சாயிஷாவை காதலித்து திருமணம் செய்து கொண்டார். இந்நிலையில் அவருக்காகக் காத்திருந்த அபர்ணிதி இப்போது தேன் என்ற படத்தில் கதாநாயகியாக நடித்துள்ளார். இந்த படத்தில் மாடர்ன் பெண்ணான அபர்ணிதி அச்சு அசல் மலைவாழ் பெண்ணாகவே மாறியுள்ள புகைப்படம் இணையத்தில் வெளியாகியுள்ளது. இதைப் பார்த்த பலரும் அபர்ணிதியா இது என ஆச்சர்யமாகியுள்ளனர்.
