கேப்டன் விஜயகாந்த் நேற்று காலமான நிலையில் தற்போது துபாயில் இருக்கும் நடிகர் அஜித் தொலைபேசி மூலம் பிரேமலதாவுக்கு ஆறுதல் கூறி விஜயகாந்த் மறைவுக்கு இரங்கல் தெரிவித்துள்ளதாக தகவல் வெளியாகியுள்ளது
கேப்டன் விஜயகாந்த் மறைவுக்கு சூப்பர் ஸ்டார் ரஜினிகாந்த், உலக நாயகன் கமல்ஹாசன், தளபதி விஜய் உட்பட பலரும் நேரில் அஞ்சலி செலுத்தினர். ஏராளமான திரையுலக பிரபலங்கள் நீண்ட வரிசையில் காத்திருந்து விஜயகாந்த் உடலுக்கு அஞ்சலி செலுத்தி வருகின்றனர்.
இந்த நிலையில் ’விடாமுயற்சி’ படப்பிடிப்பிற்கு அஜர்பைஜான் சென்ற அஜித் தற்போது துபாயில் இருக்கிறார். அங்கிருந்து மீண்டும் அவர் அஜர்பைஜானுக்கு படப்பிடிப்புக்கு செல்ல உள்ளார்
இந்த நிலையில் விஜயகாந்த் மறைவு குறித்து கேள்விப்பட்டவுடன் அஜித் தொலைபேசியில் பிரேமலதா விஜயகாந்த் அவர்களை தொடர்பு கொண்டு தான் துபாயில் இருப்பதால் நேரில் இறுதி சடங்கில் பங்கேற்க முடியவில்லை என்று வேதனையுடன் தெரிவித்தார். மேலும் விஜயகாந்த் மறைவுக்கு தனது ஆழ்ந்த இரங்கலை தெரிவித்துக் கொள்வதாக அஜித் கூறியதோடு பிரேமலதா மற்றும் சுதீஷுக்கு ஆறுதல் கூறியதாகவும் தகவல்கள் வெளியாகி உள்ளன.
