நடிகை அனுஷ்கா கடந்த சில ஆண்டுகளாக படங்கள் எதிலும் ஒப்பந்தமாவதில்லை.
தென்னிந்திய சினிமாவில் உச்ச நடிகையாக இருந்தவர் நடிகை அனுஷ்கா. தனது கதாபாத்திரங்களுக்கு முக்கியத்துவம் உள்ள படங்களில் இவர் தொடர்ந்து நடித்து வந்தார். அந்த மாதிரி கதைக்களங்களில் அவர் நடித்த அருந்ததி, ருத்ரமாதேவி போன்ற படங்கள் அனைவராலும் பாராட்டப்பட்டது. அதேபோல பிரபாஸுடன் இவர் நடித்த வரலாற்று சிறப்பு மிக்கதிரைப்படமான பாகுபலி திரைப்படம் இருக்கு பெரும் புகழும் பெற்று தந்தது. கூடவே உலகம் முழுக்க உள்ள ஏராளமான ரசிகர்களை தன் வசப்படுத்திக்கொண்டார்.
ஆனால் இஞ்சி இடுப்பழகி படத்துக்கு பின்னர் அவர் அதிகமான படங்களில் நடிப்பதை குறைத்துக்கொண்டார். அதிலும் தமிழ் படங்களில் அவர் தலைகாட்டவே இல்லை. அதே போல அந்த படத்துக்காக அவர் ஏற்றிய உடல் எடை அதன் பிறகு குறையவே இல்லை. அதற்காக அனுஷ்கா கடுமையான உடற்பயிற்சிகளை மேற்கொண்டாலும் உடல் எடை குறையவே இல்லை. இந்நிலையில் இப்போது குண்டான உடலோடு அவர் இருக்கும் புகைப்படம் இணையத்தில் வெளியாகியுள்ளது.
இந்நிலையில் சாஹோ மற்றும் ராதே ஷ்யாம் ஆகிய படங்களை தயாரித்த யுவி கிரியேஷன்ஸ் நிறுவனம் தயாரிக்கும் நான்கு மொழி படத்தில் நடிக்க அவர் ஒப்பந்தம் ஆகியுள்ளார். இன்னும் தலைப்பிடப் படாத இந்த படத்தை இயக்குனர் மகேஷ் பாபு பி எழுதி இயக்க உள்ளார். இதற்கு யுவி கிரியேஷன்ஸ் தயாரித்த பாகமதி படத்தில் அனுஷ்கா நடித்திருந்தார் என்பது குறிப்பிடத்தக்கது.
