கெளதம் மேனன் இயக்கத்தில் அருண் விஜய்?

கெளதம் மேனன் இயக்கத்தில் அருண் விஜய் நடிக்கப் போவதாக ஒரு தகவல் பரவி வருகிறது.

கெளதம் மேனன் இயக்கிய ‘என்னை அறிந்தால்’ படத்தில் வில்லனாக நடித்தார் அருண் விஜய். அவர், மறுபடியும் கெளதம் மேனன் இயக்கத்தில் நடிக்க இருப்பதாக கூறப்படுகிறது. தற்போது மகிழ் திருமேனி இயக்கிவரும் ‘தடம்’ படத்தில் நடித்துக் கொண்டிருக்கும் அருண் விஜய், அடுத்ததாக பிரபாஸின் ‘சாஹு’ படத்தில் நடிக்க இருக்கிறார். அதைத் தொடர்ந்து கெளதம் மேனன் இயக்கத்தில் நடிக்கலாம் என்கிறார்கள்.

விக்ரம் நடிப்பில் ‘துருவ நட்சத்திரம்’, தனுஷ் நடிப்பில் ‘எனை நோக்கி பாயும் தோட்டா’ என ஒரே நேரத்தில் இரண்டு படங்களை இயக்கி வருகிறார் கெளதம் மேனன். இதில், ‘துருவ நட்சத்திரம்’ மட்டுமே முடியும் தருவாயில் இருக்கிறது. எனவே, அதை முடித்துவிட்டுத்தான் அருண் விஜய் படத்தைத் தொடங்கலாம் என்கிறார்கள்.