பாஸ் என்கிற பாஸ்கரன் இரண்டாம் பாக வேலைகள் தொடக்கம்!

ஆர்யா நடிப்பில் ராஜேஷ் இயக்கத்தில் உருவான பாஸ் என்ற பாஸ்கரன் திரைப்படம் கடந்த 2010ஆம் ஆண்டு வெளியானது. இந்த படம் மிகப்பெரிய வெற்றியைப் பெற்றது. அதற்கு முக்கியக் காரணமாக சந்தானம்- ஆர்யா கூட்டணியின் நகைச்சுவையும் அமைந்தது.

இந்த நிலையில் இந்த படத்தின் மிகப்பெரிய வெற்றியை அடுத்து இரண்டாம் பாகம் உருவாக்க தற்போது பேச்சுவார்த்தை நடந்து வருகிறது. ஆர்யா நடிப்பில் ராஜேஷ் எம் இயக்கத்தில் உருவாக இருக்கும் இந்த படத்தை ரெட் ஜெயன்ட் மூவிஸ் தயாரிக்க அதிக வாய்ப்பு இருப்பதாக கூறப்படுகிறது.

இந்நிலையில் இப்போது இந்த படத்தின் முன் தயாரிப்புப் பணிகள் தொடங்கி துரிதமாக நடைபெற்று வருவதாகவும் சொல்லப்படுகிறது. சமீபத்தில் சந்தானத்தின் டிடி ரிட்டர்ன்ஸ் திரைப்படம் நல்ல வெற்றியை பெற்றுள்ள நிலையில் சந்தானம் காமெடியனாக மட்டும் இல்லாமல் ஒரு ஹீரோவாகவே இந்த படத்தில் நடிக்க உள்ளதாக சொல்லப்படுகிறது.