ஒரே நேரத்தில் ரஜினி, விஜய் படங்களைத் தயாரிக்கும் சன் பிக்சர்ஸ்

சன் பிக்சர்ஸ் நிறுவனம், ஒரே நேரத்தில் ரஜினி மற்றும் விஜய் படங்களைத் தயாரிக்கிறது. 

விஜய் நடிப்பில், ஏ.ஆர்.முருகதாஸ் ஒரு படத்தை இயக்கி வருகிறார். இன்னும் பெயரிடப்படாத இந்தப் படம், தற்போது ‘தளபதி 62’ என்று அழைக்கப்பட்டு வருகிறது. இரண்டாவது முறையாக கீர்த்தி சுரேஷ் விஜய்க்கு ஜோடியாக நடிக்க, ‘மெர்சல்’ படத்தைத் தொடர்ந்து ஏ.ஆர்.ரஹ்மான் இந்தப் படத்துக்கு  இசையமைக்கிறார். இந்தப் படத்தை சன் பிக்சர்ஸ் நிறுவனம் தயாரித்து வருகிறது.

‘2.0’ மற்றும் ‘காலா’ படங்களைத் தொடர்ந்து ரஜினி ஒரு படத்தில் நடிக்கிறார். அந்தப் படத்தை, ‘பீட்சா’, ‘ஜிகர்தண்டா’ மற்றும் ‘இறைவி’ படங்களை இயக்கிய கார்த்திக் சுப்பராஜ் இயக்க இருக்கிறார். இந்தப் படத்தையும் சன் பிக்சர்ஸ் நிறுவனம் தான் தயாரிக்கிறது.

கலைப்புலி எஸ்.தாணுவுக்குத்தான் ஏற்கெனவே இப்படியொரு வாய்ப்பு கிடைத்துள்ளது. ரஜினி நடித்த ‘கபாலி’யைத் தயாரித்த அதேநேரத்தில், விஜய் நடித்த  ‘தெறி’ படத்தையும் அவர் தயாரித்திருந்தார்.