தமிழ் சினிமாவின் முன்னணி இயக்குனர்களில் ஒருவரான அமீர், தற்போது நடிகராகவும் சில படங்களில் நடித்து வருகிறார். அவர் நடித்த வடசென்னை, மாறன் ஆகிய திரைப்படங்கள் கவனத்தை ஈர்த்தன.
இதையடுத்து இப்போது அவர் கதாநாயகனாக நடிக்கும் உயிர் தமிழுக்கு என்ற படம் விரைவில் ரிலீஸ் ஆகவுள்ளது. இந்நிலையில் இப்போது அமீர் ஹீரோவாக நடிக்கும் மற்றொரு படமாக மாயவலை உருவாகி வருகிறது. இந்த படத்தை இயக்குனர் அமீர் மற்றும் இசையமைப்பாளர் யுவன் ஷங்கர் ராஜா ஆகிய இருவரும் இணைந்து தயாரிக்கின்றனர்.
ரமேஷ் பாலகிருஷ்ணன் இயக்கும் இந்த படத்தில் அமீருடன், ஆர்யாவின் தம்பி சத்யாவும், நடிகை சஞ்சிதா ஷெட்டியும் முக்கிய வேடத்தில் நடிக்கின்றனர். இந்த படத்துக்கு யுவன் இசையமைக்க, ராம்ஜி ஒளிப்பதிவாளராக பணியாற்றுகிறார்.
இந்த படம் டிசம்பரில் ரிலீஸாகும் என எதிர்பார்க்கப்படும் நிலையில் தற்போது இந்த படத்தின் டீசர் இணையத்தில் வெளியாகி கவனம் ஈர்த்துள்ளது. இயக்குனர் அமீர் வாய்ஸ் ஓவரில் ஒரு ஆண் இரண்டு பெண்களுக்கு இடையிலான உறவு மற்றும் உறவு முறிதல் பற்றி பேசும் படமாக மாயவலை இருக்கும் என தோன்றுகிறது.
