விஜய் சேதுபதி படத்தில் டப்ஸ்மாஷ் புகழ் நடிகை

ஆரண்ய காண்டம் படத்தை இயக்கிய தியாகராஜன் குமாரராஜா இயக்கும் 'சூப்பர் டீலக்ஸ்' படத்தில் விஜய்சேதுபதி நடிக்கிறார். அவருடன் டப்ஸ்மாஷ் மூலம் இணையத்தளத்தில் 

பிரபலமான நடிகை மிருனாளினியும் ஒரு முக்கிய கதாபாத்திரத்தில் நடிப்பதாக கூறப்படுகிறது. ஏற்கனவே இந்த படத்தில் பகத் பாசில், நதியா, சமந்தா, காயத்ரி, பகவதி பெருமாள் என பெரிய நட்சத்திர நடிகர்கள் நடிக்கும் நிலையில் மிருனாளினியும் அதில் இணைந்துள்ளார்.

மிருனாளினி ஏற்கனவே நகல் என்ற திரைப்படத்தில் நாயகியாக நடித்ததுள்ளார் என்பது குறிப்பிடத்தக்கது. விஜய் சேதுபதி முதல் முதலாக திருநங்கையாக நடிப்பதாலும், யுவன் சங்கர் ராஜா இசையமைப்பதாலும், பல முக்கிய நடிகர்கள் படத்தில் இருப்பதாலும் இந்த படத்தின் மீதான ரசிகர்களின் எதிர்ப்பார்ப்பு அதிகரித்த வண்ணம் உள்ளது.