நித்திலன் இயக்கத்தில் விஜய் சேதுபதி நடித்து வெளியான மகாராஜா திரைப்படம் சீனாவிலும் வசூல் வேட்டையை தொடர்ந்து வருகிறது.
நித்திலன் இயக்கத்தில் விஜய் சேதுபதி நடித்து வெளியான மகாராஜா திரைப்படம் விஜய் சேதுபதிக்கு 50வது படமும் கூட. இந்த படம் கடந்த ஆண்டு வெளியாகி விமர்சன ரீதியாகவும், வசூல் ரீதியாகவும் பெரும் வரவேற்பை பெற்றது. அதை தொடர்ந்து நெட்பிளிக்ஸ் ஓடிடியில் வெளியாகி பல நாடுகளில் மக்களிடையே பெரும் வரவேற்பை பெற்றது.
அதை தொடர்ந்து சீனாவில் மகாராஜா படம் ரீ ரிலீஸ் செய்யப்பட்டது. தற்போதைய நிலவரப்படி மகாராஜா திரைப்படம் சீனாவில் ரூ.91.55 கோடி வசூலித்துள்ளதாக தகவல்கள் வெளியாகியுள்ளது. இந்தியாவிலிருந்து சீனாவில் வெளியான படங்களில் ஆமிர் கானின் 3 இடியட்ஸ், தங்கலுக்கு பிறகு அதிகம் வசூலித்த இந்திய படமாக சாதனை படைத்துள்ளது மகாராஜா.
Edit by Prasanth.K
