நவரசா என்றொரு ஆந்தாலஜி திரைப்படத்தை இயக்குனர் மணிரத்னம் தயாரித்து வருகிறார்.
இயக்குனர் மணிரத்னம் மற்றும் ஜெயந்திரா ஆகியோர் இணைந்து நெட்பிளிக்ஸுக்காக ஆந்தாலஜி திரைப்படத்தை தயாரித்து வருகின்றனர். நவரசா எனப் பெயரிடப்பட்டுள்ள இந்த தொடரில் 9 கதைகள் காதல், சிரிப்பு, பரிவு, கோபம், வீரம், பயம், அருவருப்பு, அதிசயம் மற்றும் சாந்தம் என 9 நவரசங்களையும் வைத்து 9 கதைகளை 9 இயக்குநர்கள் இயக்கவுள்ளனர். இந்த தொடருக்கு கிரியேட்டிவ் ஹெட்டாக மணிரத்னம் உள்ளார். இந்த 9 படங்களையும் கெளதம் மேனன், பிஜோய் நம்பியார், அரவிந்த் சாமி, கார்த்திக் நரேன், கார்த்திக் சுப்பராஜ், கே வி ஆனந்த், சர்ஜுன், பொன்ராம் ஆகியோர் ஒப்பந்தமானார்கள்.
இந்த 9 படங்களும் தயாரான நிலையில் சம்மந்தப்பட்ட ஓடிடி நிறுவனம் எல்லா படங்களையும் பார்த்துள்ளது. அதில் இயக்குனர் பொன்ராமின் படத்தில் அவர்களுக்கு திருப்தி இல்லாததால் அதை நீக்க சொல்லிவிட்டனராம். அதனால் இப்போது புதிதாக அந்த பகுதியை இயக்க முன்னணி இயக்குனர் வசந்த் ஒப்பந்தம் ஆகியுள்ளாராம்.
