பாக்யராஜ் ஊர்வசி நடிப்பில் பாக்யராஜ் இயக்கிய முந்தானை முடிச்சு என்ற திரைப்படம் கடந்த 1983-ம் ஆண்டு வெளிவந்து மிகப்பெரிய வெற்றி பெற்றது என்பது தெரிந்ததே
இந்த நிலையில் இந்த படத்தின் ரீமேக் குறித்த அறிவிப்பு கடந்த சில மாதங்களுக்கு முன் வெளி வந்தது என்பதும் இதில் பாக்யராஜ் வேடத்தில் சசிகுமாரும் ஊர்வசி வேடத்தில் ஐஸ்வர்யா ராஜேஷூம் நடிக்க இருப்பதாக அறிவிக்கப்பட்டது
இருப்பினும் இந்த படத்தின் இயக்குனர் குறித்த எந்த தகவலும் வெளிவரவில்லை. இந்த நிலையில் சற்று முன் இந்த படத்தை எஸ்ஆர் பிரபாகரன் என்பவர் இயக்க இருப்பதாக அதிகாரப்பூர்வமாக அறிவிக்கப்பட்டுள்ளது
எஸ்ஆர் பிரபாகரன்கடந்த 2012ஆம் ஆண்டு சசிகுமார் நடித்த சுந்தரபாண்டியன் என்ற திரைப்படத்தை இயக்கியவர் என்பதும் தற்போது சசிகுமார் நடிப்பில் கொம்பு வச்ச சிங்கம் என்ற திரைப்படத்தை இயக்கி முடித்துள்ளார் என்பதும் குறிப்பிடத்தக்கது. இந்த படத்தின் படப்பிடிப்பு விரைவில் தொடங்க உள்ளது
