பாண்டவர் அணியினர் மீண்டும் நடிகர் சங்கத் தேர்தலில் வெற்றி பெற்றதை அடுத்து தமிழக முதல்வர் மு க ஸ்டாலினை சென்று சந்தித்துள்ளனர்.
நடிகர் சங்கத் தேர்தலில் பதிவான வாக்குகள் நேற்று முன் தினம் எண்ணப்பட்ட நிலையில் இந்த தேர்தலில் விஷாலின் பாண்டவர் அணி மீண்டும் நடிகர் சங்கத்தை கைப்பற்றியுள்ளது. நடிகர் சங்க தலைவர் பதவிக்கு போட்டியிட்ட நாசர், பொதுச் செயலாளர் பதவிக்கு போட்டியிட்ட விஷால், பொருளாளர் பதவிக்கு போட்டியிட்ட கார்த்தி ஆகியோர் வெற்றி பெற்றுள்ளனர் .
மேலும் துணை தலைவர் பதவிக்குப் போட்டியிட்ட கருணாஸ் மற்றும் பூச்சி முருகன் ஆகியோர் வெற்றி பெற்றதையடுத்து நடிகர் சங்கத்தை முழுமையாக பாண்டவர் அணி மீண்டும் கைப்பற்றி உள்ளது என்பது குறிப்பிடத்தக்கது. இதையடுத்து வெற்றி பெற்ற பாண்டவர் அணியினர் இன்று தலைமை செயலகத்துக்கு சென்று தமிழக முதல்வர் மு க ஸ்டாலினை சந்தித்து வாழ்த்து பெற்றுள்ளனர்.
