பாகுபலி படத்திற்கு பிறகு, தெலுங்கு திரையுலகில் முன்னணி நடிகராக மட்டுமில்லாமல் பான் இந்தியா ஹீரோவாகவும் உயர்ந்திருக்கும் பிரபாஸ், தற்போது மிகப்பெரிய பட்ஜெட்டில் உருவாகும் சில பிரமாண்ட படங்களில் நடித்து வருகிறார். இவரது நடிப்பில் உருவாகி வரும் படங்களின் மொத்த பட்ஜெட் மட்டும் 2000 கோடி ரூபாயை எட்டியிருக்கிறது என்பதும் குறிப்பிடத்தக்கது.
இதில், பிரபாஸ் நடித்து வரும் முக்கிய படங்களில் ஒன்று "தி ராஜா சாப்". கடந்த சில மாதங்களாகவே இப்படத்தின் படப்பிடிப்பு வேகமாக நடைபெற்று கொண்டிருக்கிறது. இப்படத்தில் பிரபாஸுக்கு ஜோடியாக மாளவிகா மோகன் நடித்துள்ள நிலையில், நிதி அகர்வால், ரித்திக் குமார் உள்ளிட்ட பல முக்கியமான நட்சத்திரங்கள் நடித்துள்ளனர். மாருதி இயக்கத்தில் உருவாகி வரும் இப்படத்திற்கு தமன் இசையமைத்திருக்கிறார், கார்த்திக் பழனி ஒளிப்பதிவு செய்துள்ளார்.
இந்நிலையில், இப்படத்தின் மோஷன் போஸ்டர் சில நிமிடங்களுக்கு முன்பு வெளியிடப்பட்டுள்ளது. இரண்டு நிமிடங்கள் ஓடக்கூடிய இந்த மோஷன் போஸ்டரை பார்த்தவுடன், இப்படம் செம்ம திரில்லராக இருக்கப்போகிறது என்ற எதிர்பார்ப்பு எழுந்துள்ளது.
அதோடு, இப்படம் அடுத்த ஆண்டு ஏப்ரல் 10ஆம் தேதி வெளியாகும் என்று போஸ்டரில் அறிவிக்கப்பட்டுள்ளது. .
