ஆர் ஆர் ஆர் படத்தின் ரிலீஸ் ஏப்ரல் இறுதியில் இருக்குமென சொல்லப்படுகிறது.
இந்தியாவின் பிரமாண்ட இயக்குநர் ராஜமெளலி இயக்கத்தில், ஜூனியர் என்.டி.ஆர் – ராம்சரண் – ஆலியாபட் உள்ளிட்ட நட்சத்திரங்களில் நடிப்பில் உருவாகியுள்ள படம் 'ஆர்.ஆர்.ஆர்'( ரத்தம் ரணம் ரெளத்திரம்). மிகுந்த எதிர்பார்ப்பை ஏற்படுத்தியுள்ள இப்படம் வரும் பொங்கல் பண்டியையொட்டி ஜனவரி 7 ஆம் தேதி உலகம் முழுவதும் ரிலீஸாக இருந்தது.
ஆனால் இப்போது இந்த படம் சில பல காரணங்களால் ரிலீஸில் இருந்து பின் வாங்க முடிவு செய்துள்ளதாக சொல்லப்படுகிறது. ஆனால் படக்குழுவினர் மறுதேதி அறிவிக்கவில்லை. இந்நிலையில் இனிமேல் 3 மாத தாமதத்துக்குப் பின்னர் ஏப்ரல் மாதம்தான் ரிலீஸ் ஆகும் என சொல்லப்படுகிறது. ஏற்கனவே ஏப்ரலில் விஜய்யின் பீஸ்ட் மற்றும் கேஜிஎப் 2 ஆகிய இரு படங்கள் துண்டுபோட்டு வைத்துள்ளன என்பது குறிப்பிடத்தகக்து.
இந்நிலையில் ஏப்ரல் இறுதியில் பாகுபலி 2 ஆம் பாகம் வெளியான நாளில் உலகம் முழுவதும் ஆர் ஆர் ஆர் வெளியாகும் என சொல்லப்படுகிறது. அதற்கான வேலைகளும் தொடங்கப்பட்டுள்ளதாக தெரிகிறது.
