விஜய்யை வைத்து லோகேஷ் அடுத்து இயக்க உள்ள தளபதி 67 படத்தின் மீதான் எதிர்பார்ப்பு எக்கச்சக்கமாக அதிகமாக உள்ளது.
விக்ரம் திரைப்படத்தின் பிரம்மாண்ட வெற்றிக்குப் பிறகு இயக்குனர் லோகேஷ் கனகராஜ்தான் விஜய்யின் அடுத்த படத்தை இயக்கப் போவதாக தகவல்கள் வெளியாகி வருகின்றன. இந்த படத்தில் கதாநாயகி என்று யாரும் இல்லை என்றும் அதுபோலவே படத்தில் பாடல்களும் இல்லாமல் முழுக்க முழுக்க ஆக்ஷன் காட்சிகளுக்கு முக்கியத்துவம் கொடுத்து உருவாக்கப்பட உள்ளதாகவும் சொல்லப்பட்டது. ஆனால் இப்போது ஒரு முக்கிய வேடத்தில் சமந்தா நடிக்க உள்ளதாக தகவல்கள் பரவி வருகின்றன.
இந்நிலையில் இந்த படத்தில் விஜய்க்கு வில்லனாக மலையாள சூப்பர்ஸ்டார் நடிகர் பிருத்விராஜ், நடிகர் அர்ஜுன் மற்றும் பாலிவுட் நடிகர் சஞ்சய் தத் ஆகியோர் நடிக்க உள்ளதாக சொல்லப்படுகிறது.
இந்த படத்தின் பூஜை கூட இன்னும் தொடங்கப்பட வில்லை. இந்நிலையில் அதற்குள்ளாகவே படத்தின் டிஜிட்டல் உரிமையை நெட்பிளிக்ஸ் நிறுவனம் கைப்பற்றி உறுதி செய்துள்ளதாக சொல்லப்படுகிறது.
