மாஸ்டர் படத்தின் நீளம் 3 மணிநேரம் இருப்பது குறித்து ஒரு முக்கியமான செய்தி வெளியாகியுள்ளது.
தளபதி விஜய் நடிப்பில், இயக்குனர் லோகேஷ் கனகராஜ் இயக்கத்தில் உருவாகியுள்ள ’மாஸ்டர்’ திரைப்படம் ஜனவரி 13-ஆம் தேதி உலகம் முழுவதும் வெளியாக உள்ளது என்பதை நேற்று படக்குழுவினர் உறுதி செய்தனர் என்பதை ஏற்கனவே பார்த்தோம். இந்த நிலையில் இந்த படத்தின் புரமோஷன் பணிகள் தற்போது நடந்து வருகின்றன. இந்நிலையில் மாஸ்டர் படத்தின் ரன்னிங் டைம் 180 நிமிடங்கள் என்ற செய்தி வெளியானது. அப்படியென்றால் இடைவேளை எல்லாம் சேர்ந்து மொத்தம் ஒரு காட்சிக்கு 3. 5 மணிநேரம் ஆகும். அதனால் சிறப்புக் காட்சிகள் திரையிடுவதில் சிக்கல்கள் எழும் என்று சொல்லப்படுகிறது. அதுமட்டுமில்லாமல் ரசிகர்களுக்கும் இவ்வளவு நேரம் அயர்ச்சியை ஏற்படுத்தும் என சொல்லப்படுகிறது.
இந்நிலையில் நீளம் குறித்து மற்றொரு தகவலும் வெளியாகியுள்ளது. லோகேஷ் கனகராஜ் எடுத்த பலக் காட்சிகள் ஏற்கனவே நீக்கப்பட்டு விட்டதாம். அப்படிப் பார்த்தாலுமே நீளத்தை இதற்கு மேல் குறைக்க முடியவில்லை என்பதால்தான் இவ்வளவு நீளத்துடன் படத்தை ரிலிஸ் செய்கிறார்களாம்.
