சமீபத்தில் தனது கணவரை விவாகரத்து செய்த நடிகை சமந்தாவை சமுகவலைதளங்களில் பலரும் கேலி செய்து வருகின்றனர்.
பிரபல தெலுங்கு நடிகர் நாக சைதன்யாவுக்கும், சமந்தாவுக்கும் கடந்த 2017ல் திருமணமான நிலையில் சமீபத்தில் அவர்கள் தங்கள் விவாகரத்தை அறிவித்துள்ளனர். இது சினிமா வட்டாரத்தில் பெரும் பரபரப்பை ஏற்படுத்தியுள்ளது. விவாகரத்துக்கு பலரும் பல காரணங்களை பேசி வந்த நிலையில், தவறான தகவல்களை பரப்ப வேண்டாம் என சமந்த கடந்த வாரம் தனது இன்ஸ்டாகிராமில் பதிவிட்டிருந்தார்.
இதையடுத்து விவாகரத்துக்கு சமந்தாதான் காரணம் என்றும், அவர் வேறு ஒருவருடன் தொடர்பில் இருந்தார் என்றும் குழந்தை பெற்றுக்கொள்வதை விரும்பவில்லை என்றும் அவர் மேல் அவதூறுகள் வைக்கப்பட்டன. இதையடுத்து அவருக்கு நெருக்கமானவர்கள் ஆதரவு தெரிவித்துவருகின்றனர். அந்த வகையில் இதுபோல விவாகரத்துக்காக சமூகவலைதளங்களில் தூற்றப்படும் வனிதா விஜயகுமார் சமந்தாவுக்கு ஆதரவாக பேசியுள்ளார்.
அதில் ‘சமூகம் என்றெல்லாம் எதுவுமில்லை. உன்னுடைய வாழ்க்கையை நீ வாழு. நம் புகைப்படங்களைதான் அவர்கள் பார்க்கிறார்கள். வீடியோக்களை அல்ல. வாழ்க்கை அற்புதமானது. எது நடந்தாலும் முன்னேறிச் செல்ல வேண்டும்’ எனக் கூறியுள்ளார்.
