தெலுங்கு சினிமாவின் முன்னணி நடிகர்களில் ஒருவராக வளர்ந்து வருகிறார் விஜய் தேவரகொண்டா. அவரின் சமீபத்தைய படங்கள் பெரிதாகக் கவனம் ஈர்க்கவில்லை என்றாலும் அவருக்கென்று ஒரு நிலையான மார்க்கெட்டை உருவாக்கி வைத்துள்ளார்.
தெலுங்கில் நானியை வைத்து ஜெர்சி உள்ளிட்ட வெற்றிப் படங்களை இயக்கியவர் கௌதம் தின்னனுரி. ஜெர்சி, மல்லி ராவாவை தொடர்ந்து தற்போது இவர் இயக்கியுள்ள படம் ‘கிங்டம்’. இதில் விஜய் தேவரகொண்டா நாயகனாக நடித்துள்ளார். இந்த படத்திற்காக கடுமையாக உழைத்துள்ள விஜய் தேவரகொண்டா சிக்ஸ் பேக் வைத்து நடித்துள்ளார். இந்த படத்திற்கு அனிருத் இசையமைத்துள்ளார்.
இந்த படத்தின் ரிலீஸ் தேதி ஏற்கனவே இரண்டுமுறை அறிவிக்கப்பட்டு ஒத்திவைக்கப்பட்டது. இந்நிலையில் ஜூலை 25 ஆம் தேதி ரிலீஸ் செய்யலாம் என திட்டமிட்டிருந்த நிலையில் நடிகரும் ஆந்திர துணை முதல்வருமான பவன் கல்யாணியின் ‘ஹரிஹர வீரமல்லு’ திரைப்படம் அந்த தேதியில் ரிலீஸாவதால் இப்போது ஜூலை 31 ஆம் தேதிக்குத் தள்ளிவைக்கப்பட்டுள்ளது.
