விஜய் சேதுபதிக்கு ஹாட்ரிக் வெற்றி கிடைக்குமா?

அடுத்த மாதம் ரிலீஸாகும் விஜய் சேதுபதியின் ‘கருப்பன்’ படமும் வெற்றி பெறுமா என்ற எதிர்பார்ப்பில் காத்திருக்கின்றனர்  ரசிகர்கள்.

இந்த வருடம் வெளியான ‘கவண்’ மற்றும் ‘விக்ரம் வேதா’ இரண்டு படங்களுமே வசூலில் மட்டுமின்றி, விமர்சன  ரீதியாகவும் விஜய் சேதுபதிக்கு நல்ல பெயரை பெற்றுத் தந்துள்ளன. அடுத்த மாதம் அவர் நடித்துள்ள ‘கருப்பன்’ மற்றும்  நீண்ட நாட்களாக கிடப்பில் இருக்கும் ‘புரியாத புதிர்’ ஆகிய இரண்டு படங்களும் ரிலீஸ் ஆவதாகத் தகவல் பரவியுள்ளது.

இதில், ‘கருப்பன்’ படம் முந்திக் கொண்டுள்ளது. செப்டம்பர் முதல் வாரத்தில் படத்தை ரிலீஸ் செய்ய வேண்டும் என்ற  முனைப்பில் பரபரப்பாக செயல்பட்டு வருகின்றனர். நேற்றுடன் படத்தின் டப்பிங் வேலைகள் முடிந்துள்ளன. ‘கவண்’, ‘விக்ரம் வேதா’ படங்களைத் தொடர்ந்து இந்தப் படமும் ஹிட்டானால், விஜய் சேதுபதிக்கு ஹாட்ரிக் வெற்றியாக அமைந்துவிடும்.